ఒంటిమిట్టలో శ్రీ రాముడి 600 అడుగుల విగ్రహం

కడప జిల్లా ఒంటిమిట్టలో శ్రీరాముడి 600 అడుగుల విగ్రహం ఏర్పాటు చేయనున్నారు. ఒంటిమిట్ట చెరువు మధ్యలో భక్తుల మది దోచేలా శ్రీరాముడి విగ్రహం కొలువుదీరనుంది. ఆధ్యాత్మిక పర్యాటక హబ్‌గా అభివృద్ధి చేసేందుకు టీటీడీ ప్రణాళికలు రూపొందిస్తోంది. ఈ విషయమై టీటీడీ ఉన్నతాధికారులకు సమగ్ర నివేదికను విజయవాడకు చెందిన స్కూల్ ఆఫ్ ప్లానింగ్ అండ్ ఆర్కిటెక్చర్ నిపుణులు అందజేశారు. త్వరలో ఈ ప్రాజెక్టుకు ఆమోదం రానున్నట్లు తెలుస్తోంది. టీటీడీ ఆమోదం తర్వాత పనులు ప్రారంభం కానున్నాయి.