స్మార్ట్‌గా మడత పెట్టేద్దాం!

రోజుకో కొత్త మోడల్, మతిపోయే ఫీచర్లు.. సెల్‌ఫోన్లు చేస్తున్న చిత్రాలెన్నో! ఇప్పుడు మడతపెట్టే (ఫోల్డబుల్‌) స్మార్ట్‌ఫోన్ల హవా నడుస్తోంది. ట్యాబ్లెట్‌కి తక్కువగా.. స్మార్ట్‌ఫోన్‌కి ఎక్కువగా ఉన్న ఈ మడత ఫోన్లు కుర్రకారును ఆకర్షిస్తున్నాయి. అలాంటి ఫోన్లలో వన్‌ప్లస్‌ ఓపెన్‌ ముందు వరుసలో ఉంది. వన్‌ప్లస్‌ ఓపెన్‌ మూడో తరం ఫోల్డబుల్‌ ఫోను. క్వాల్‌కమ్‌ స్నాప్‌డ్రాగన్‌ 8 జెనరేషన్‌ సీపీయూ, భారీ స్టోరేజీ ర్యామ్‌ దీని సొంతం. 7.82 అంగుళాల తెర, వెనక 48+64 మెగా పిక్సెల్‌ కెమెరా, ముందు 20+32 మెగా పిక్సల్‌ కెమెరా ఉంటాయి. ఆండ్రాయిడ్‌ 13 ఆక్సిజన్‌ ఆపరేటింగ్‌ సిస్టమ్‌తో వస్తోంది. బరువు 245 గ్రాములతో వస్తోంది. ధర రూ. 1,39,998గా ఉంది.