ఆంధ్రప్రదేశ్ క్రియేటివ్ రంగంలో సరికొత్త శకం!

ఏపీ ప్రభుత్వం, క్రియేటివ్‌ల్యాండ్ ఏషియా మధ్య చారిత్రాత్మక అవగాహన ఒప్పందం కుదుర్చుకుంది. రాష్ట్రంలో మొట్టమొదటి ట్రాన్స్‌మీడియా ఎంటర్‌టైన్‌మెంట్ సిటీ ఏర్పాటుకు రంగం సిద్ధమైంది. "ట్రాన్స్‌మీడియా ఎంటర్‌టైన్‌మెంట్ సిటీ"ని అభివృద్ధి చేయడానికి ప్రముఖ సంస్థ క్రియేటివ్‌ల్యాండ్ ఏషియా ప్రైవేట్ లిమిటెడ్‌తో ప్రభుత్వం అవగాహన ఒప్పందం (MoU) కుదుర్చుకుంది. అమరావతిలో జరిగిన ఈ చారిత్రాత్మక ఒప్పందంపై ఇరు పక్షాల ప్రతినిధులు సంతకాలు చేశారు. ఈ ప్రాజెక్ట్ ద్వారా ఆంధ్రప్రదేశ్ సృజనాత్మక ఆర్థిక వ్యవస్థ, పర్యాటకం, నైపుణ్యాభివృద్ధి, ఉద్యోగ కల్పన మరియు డిజిటల్ ఆవిష్కరణలకు కేంద్రంగా మారనుంది. "క్రియేటర్ ల్యాండ్" పేరుతో రూపుదిద్దుకోనున్న ఈ నగరం సినిమా, గేమింగ్, ప్రకటనలు, వర్చువల్ ప్రొడక్షన్, టెక్నాలజీ ఆధారిత కథ చెప్పడం వంటి అత్యాధునిక సౌకర్యాలకు నిలయంగా ఉంటుంది.