ఏసీలపై కేంద్రం కొత్త రూల్..!

దేశంలో ఏసీల వినియోగం గణనీయంగా పెరిగిన నేపథ్యంలో కేంద్రం కొత్త నిబంధన తీసుకు రావాలని నిర్ణయించింది. ఏసీల వినియోగానికి సంబంధించి ఇక నుంచి కొత్త రూల్స్ తీసుకురాబోతున్నట్లు కేంద్రమంత్రి మనోహర్లాల్ ఖట్టర్ వెల్లడించారు. ' ఏసీ టెంపరేచర్స్ 20° - 28° డిగ్రీల మధ్యే ఉండేలా స్టాండర్డ్ టెంపరేచర్ సెట్టింగ్స్ తీసుకొస్తామని వెల్లడించారు. అంటే యూజర్లు 20° కంటే తక్కువ, 28° కంటే ఎక్కువ టెంపరేచర్ పెట్టే అవకాశం ఉండదు. దీనిపై తయారీదారులతో చర్చలు జరుగుతున్నాయని పేర్కొన్నారు. విద్యుత్ ఆదాతో పాటు కర్బన సంబంధ వ్యర్థ పదార్థ ఉత్పత్తిని తగ్గించేందుకు ఈ చర్యలు తీసుకుంటున్నామన్నారు.