OPT రద్దు చేస్తే.. అమెరికాలో భారత విద్యార్థులకు కష్టాలే!

అమెరికాలో ఉన్నత విద్యను అభ్యసిస్తున్న భారత విద్యార్థులు గందరగోళ పరిస్థితుల్లో ఉన్నారు. 2023-24 విద్యా సంవత్సరంలో మూడున్నర లక్షల భారత విద్యార్థులు అమెరికా విశ్వవిద్యాలయాల్లో చదువుకుంటున్నారు. వీరిలో చాలా మందికి OPT (ఆప్షనల్ ప్రాక్టికల్ ట్రైనింగ్) కార్యక్రమం ఎంతో కీలకం. F-1 వీసా కలిగిన విద్యార్థుల చదువుకు సంబంధించిన రంగంలో గ్రాడ్యుయేషన్ తర్వాత 12 నెలల వరకు (STEM రంగాల వారికి 36 నెలల వరకు) తాత్కాలికంగా పనిచేసేందుకు ఇది అనుమతిస్తుంది. 2023-24లో దాదాపు 97,556 మంది భారత విద్యార్థులు OPTలో లబ్ధి పొందారు. ఇది అమెరికాలోని మొత్తం విద్యార్థుల్లో దాదాపు 29% మంది. అయితే, అమెరికా కాంగ్రెస్‌లో "ఫెయిర్‌నెస్ ఫర్ హై-స్కిల్డ్ అమెరికన్స్ యాక్ట్" పేరుతో ఒక బిల్లును ప్రవేశపెట్టారు. ఈ బిల్లు OPT కార్యక్రమాన్ని పూర్తిగా రద్దు చేయాలని లక్ష్యంగా పెట్టుకుంది. ఈ బిల్లు ఆమోదం పొందుతుందా లేదా అనేది ప్రస్తుతం అనిశ్చితంగా ఉన్నప్పటికీ, ఒకవేళ ఇది చట్టంగా మారితే భారతీయ విద్యార్థులపై తీవ్రమైన ప్రభావం చూపుతుంది.