రెండు మండలాలుగా వై.రామవరం

అల్లూరి సీతారామరాజు మన్యం జిల్లాలోని వై. రామవరం మండలాన్ని రెండు కొత్త మండలాలుగా విభజించాలని ప్రభుత్వం నిర్ణయం తీసుకుంది. ఆంధ్రప్రదేశ్ ప్రభుత్వం అల్లూరి సీతారామరాజు జిల్లాలోని వై. రామవరం మండలాన్ని విభజించేందుకు ఉత్తర్వులు జారీ చేసింది. దీంతో కొత్తగా గుర్థేడు మండలం – 59 గ్రామాలతో ఏర్పడుతుంది. దీని ప్రధాన కార్యాలయం గుర్థేడు. వై. రామవరం మండలం – 78 గ్రామాలతో, ప్రధాన కార్యాలయం వై. రామవరంగా ఏర్పాటు కానుంది. ప్రజల నుంచి అభిప్రాయాలు, సూచనలు, అభ్యంతరాలు ఆహ్వానించి 30 రోజుల్లో ప్రభుత్వం వాటిని పరిగణనలోకి తీసుకోవాలని ఉత్తర్వుల్లో పేర్కొన్నారు.