గడువులోగా LRS దరఖాస్తులు చేసుకోవాలి

ఆంధ్రప్రదేశ్‌లో లేఔట్ క్రమబద్ధీకరణ పథకం(LRS) కింద గడువులోగా దరఖాస్తు చేసుకోవాలని ప్రభుత్వం సూచించింది. నోటిఫికేషన్ జారీ అయిన జులై 26వ తేదీ నుంచి నిర్దేశించిన 90 రోజుల గడువులోగా దరఖాస్తులు చేసుకోవాలని స్పష్టం చేసింది. ఆ తర్వాత అనుమతించేది లేదని పురపాలక, పట్టణాభివృద్ధి శాఖ ముఖ్య కార్యదర్శి సురేశ్కుమార్ స్పష్టం చేశారు. ఇందుకు సంబంధించిన పోర్టల్ ద్వారా దరఖాస్తులు చేసుకోవాలని సూచించారు. దరఖాస్తు చేసిన 45 రోజుల్లోగా చెల్లిస్తే ఫీజు మొత్తంలో 10% రాయితీ, 90రోజుల్లోగా చెల్లిస్తే 5% రాయితీ వర్తిస్తుందని స్పష్టం చేసింది.