ఆర్టీసీ ఉద్యోగులకు ఊరట

ఏపీఎస్ఆర్టీసీలో 1/2019 సర్క్యూలర్ను పునరుద్ధరించాలని ప్రభుత్వం నిర్ణయం తీసుకుంది. ప్రభుత్వ నిర్ణయం ద్వారా 48 వేల మంది ఆర్టీసీ ఉద్యోగులకు ఊరట లభిస్తుంది. 1/2019 సర్కులర్ ను పునరుద్దరించాలని ఇటీవల ఎన్ఎంయూఏ ఆందోళన చేసిన విషయం తెలిసిందే. గత ప్రభుత్వ హయాంలో 1/2019 సర్క్యూలర్ ను నిలిపివేస్తూ ఆదేశాలు జారీ చేశారు. చిన్న తప్పిదాలకే పెద్ద శిక్షలు విధిస్తున్నారని యాజమాన్యం దృష్టికి ఉద్యోగులు తెచ్చారు. ఇకపై సిబ్బందిపై చర్యలు తీసుకునే ముందు 1/2019 సర్కులర్లోని అంశాలు పాటించాలని ఆదేశాలు ఇచ్చింది