పురపాలక ఔట్‌సోర్సింగ్‌ వర్కర్ల వేతనం పెంపు

పురపాలక శాఖ పరిధిలో ఔట్‌సోర్సింగ్‌ ప్రాతిపదికన పని చేస్తున్నఉద్యోగుల విషయంలో ఏపీ ప్రభుత్వం కీలక నిర్ణయం తీసుకుంది. నాన్‌ పీహెచ్‌ వర్కర్ల వేతనం పెంచుతూ రాష్ట్ర ప్రభుత్వం నిర్ణయం ప్రకటించింది. కేటగిరీ-1 వర్కర్ల వేతనం రూ.21,500 నుంచి 24,500కు పెంచింది. కేటగిరీ-2 వర్కర్ల వేతనం రూ.18,500 నుంచి రూ.21,500 పెంచుతున్నట్లు ప్రకటించింది. కేటగిరీ-3 వర్కర్ల వేతనం రూ.15 వేల నుంచి రూ.18,500కు పెంచింది. ఈ మేరకు పురపాలక, పట్టణాభివృద్ధిశాఖ ఆదేశాలు జారీ చేసింది. దీనిపై ఉద్యోగులు హర్షం వ్యక్తం చేస్తున్నారు.