మానవత్వం చాటిన హోం మంత్రి అనిత

హోం, విపత్తు నిర్వహణ శాఖ మంత్రి వంగలపూడి అనిత మరోసారి మానవత్వం చాటారు. విశాఖపట్నం తాడిచెట్లపాలెం జంక్షన్ దగ్గర రోడ్డు ప్రమాదం జరిగి అచేతన స్థితిలో పడిన ఓ యువకుడిని చూసి చలించిపోయారు. అటుగా ఎయిర్ పోర్ట్‌కు వెళుతున్న హోంమంత్రి ఘటనని చూసి తక్షణం కాన్వాయ్‌ని ఆపి సహాయక చర్యలు చేపట్టారు. గాయాలపాలైన ఓ వృద్ధురాలు సహా పలువురికి ఏం కాదమ్మా.. అంటూ ధైర్యం చెప్పి మెరుగైన వైద్యం అందించడం కోసం సమీప హాస్పిటల్‌కు తరలించాలని పోలీసులను ఆదేశించారు. దీనిపై సోషల్ మీడియాలో ప్రశంసలు కురుస్తున్నాయి.