కొడాలి నాని అరెస్ట్.. ఆ ప్రచారంలో నిజం లేదు!

వైసీపీ నేత, మాజీ మంత్రి కొడాలి నాని అరెస్ట్ నిరాధారమని ఏపీ పోలీసులు తెలిపారు. ఆయన్ను కోల్ కతా ఎయిర్ పోర్టులో అరెస్ట్ చేసినట్లు వస్తున్న వార్తలు నిరాధారమైనవని వెల్లడించారు. ఆ ప్రచారంలో నిజం లేదని తెలిపారు. కొడాలి నాని అరెస్ట్ చేస్తే అధికారికంగా ప్రకటిస్తామని తెలిపారు. కొడాలి నానిపై రాష్ట్రంలో కేసు నమోదు అయిన నేపథ్యంలో ఆయన్ను కోల్‌కతా ఎయిర్ పోర్టులో అదుపులోకి తీసుకున్నట్లు ఈ ఉదయం నుంచి జరుగుతున్న ప్రచారంపై ఏపీ పోలీసులు స్పందించారు. కొడాలి నానిని అరెస్ట్ చేశామన్నది ప్రచారం మాత్రమేనని, నిజం కాదని తెలిపారు. అయితే ఆయనపై పలుచోట్ల కేసులు నమోదైన నేపథ్యంలో కొడాలి నానిపై లుకౌట్ నోటీసులు ఉన్నాయి.