2309 విలేజ్ హెల్త్ క్లినిక్స్ నిర్మాణానికి ఆమోదం

విలేజ్ హెల్త్ క్లినిక్స్ (ఆయుష్మాన్ ఆరోగ్య మందిరాలు) నిర్మాణానికి ప్రభుత్వం ఆమోదం తెలుపుతూ ఉత్తర్వులు జారీచేసింది. ఈ మేరకు రూ.217.10 కోట్లు జాతీయ ఆరోగ్య మిషన్ నిధుల నుంచి విడుదల చేసింది. మొత్తం 2309 భవనాలు MGNREGS పథకం కింద నిర్మాణానికి ఆమోదం తెలిపింది. అదనంగా మరో 696 భవనాలు (ప్రతి యూనిట్ ఖర్చు రూ.55.00 లక్షలు) PM-ABHIM స్కీం కింద నిర్మాణానికి అనుమతినిచ్చింది. ప్రతి యూనిట్‌లో రూ. 42 లక్షలు భవనం నిర్మాణానికి, 13.00 లక్షలు కాంపౌండ్ వాల్, నీరు, విద్యుత్ వంటి సౌకర్యాలకు ఉపయోగిస్తారు.