వాయువ్య బంగాళాఖాతంలో అల్పపీడనం.. వర్షాలు

ఒడిశా, పశ్చిమ బెంగాల్ తీరాల్లో వాయువ్య బంగాళాఖాతంలో ఏర్పడిన అల్పపీడనం.. జార్ఖండ్, ఛత్తీస్‌గఢ్ వైపు పయనిస్తుందని వాతావరణ శాఖ అంచనా వేసింది. మరోవైపు ఛత్తీస్‌గఢ్, మధ్యప్రదేశ్, గుజరాత్ మీదుగా ద్రోణి కొనసాగుతోంది. వీటి ప్రభావంతో రాబోయే 3 రోజుల్లో రాష్ట్రంలోని పలు ప్రాంతాల్లో తేలికపాటి నుంచి ఓ మోస్తరు వర్షాలకు అవకాశముందని పేర్కొంది. భారీ ఈదురుగాలులు వీస్తాయని, సోమవారం వరకు మత్స్యకారులు వేటకు వెళ్లొద్దని సూచించింది. ఈ అల్పపీడనంతో ఇక వర్షాకాలం మొదలైనట్లే.