ఢిల్లీలో తెలంగాణ బీజేపీ సేవ్ హెచ్‌సీయూ

హెచ్‌సీయూ భూముల వ్యవహారం తెలంగాణను అట్టుడికిస్తోంది. రేవంత్ రెడ్డి ప్రభుత్వం భూములను జేసీబీలతో చదును చేస్తుండటంపై బీఆర్ఎస్, బీజేపీ, హెచ్‌సీయూ విద్యార్థులు ఆందోళనననలు చేస్తు్న్నారు. ఈ క్రమంలో హెచ్‌సీయూ భూముల వేలం వివాదంపై స్పందించాలని మంగళవారం కేంద్ర పర్యావరణ శాఖ మంత్రి భూపేంద‌ర్ యాద‌వ్‌కు తెలంగాణ బీజేపీ ఎంపీలు వినతి పత్రం అందజేశారు. వేలాదిగా నెమళ్ళు, జింకలు, ఇతర వ‌న్యప్రాణుల‌కు నిల‌యమైన హెచ్‌సీయూ భూముల వేలాన్ని ఆపాల‌ని కోరారు. ఈ భూముల వేలం ద్వారా వేల సంఖ్యలో వన్యప్రాణులు మృతి చెందుతున్నాయని తెలిపారు. రాత్రికి రాత్రి అమానుషంగా మూగజీవాలపై బుల్డోజర్లు తోలుతున్నారని ఆరోపించారు. దీనికి అడ్డుకట్ట వేసేందుకు వెంట‌నే రాష్ట్ర ప్రభుత్వం వేలంపాట ప్రక్రియ ఆపే విధంగా ఆదేశాలివ్వాల‌ని భూపేందర్‌ను కోరారు. ఈ సమావేశంలో కేంద్ర మంత్రులు కిష‌న్ రెడ్డి, బండి సంజ‌య్‌, బీజేపీ ఎంపీలు ఈటెల‌ రాజేందర్, ర‌ఘునంద‌న్‌ రావు, కొండా విశ్వేశ్వర్ రెడ్డి, నాగేష్‌ తదితరులు పాల్గొన్నారు.