వర్షాకాలం కోసం.. వాటర్ ప్రూఫ్ ఫోన్లు!

మొబైల్ లేకుంటే క్షణం గడవని ప్రస్తుత కాలంలో ఫోన్ భద్రత ముఖ్యంగా మారిపోయింది. రాబోయే వర్షాకాలంలో తడిసినా పని చేసే వాటర్ ప్రూఫ్ మొబైల్, అదీ బడ్జెట్ ధరలో చూస్తున్నారా.. ఈ స్మార్ట్ ఫోన్ నీళ్లలో తడిసినా ఇబ్బంది లేదు. IP68 లేదా IP68 + IP69 రేటింగ్‌తో వాటర్ ప్రూఫ్ స్మార్ట్‌ఫోన్లు అందుబాటులో ఉన్నాయి. వాటర్ ప్రూఫ్ స్మార్ట్‌ఫోన్ల ధర విషయానికి వస్తే.. రూ. 13వేల నుంచి రూ. 70వేల వరకు ఉంటాయి. ప్రస్తుతం ఫ్లిప్‌కార్ట్, అమెజాన్‌లలో డిస్కౌంట్‌లతో అందుబాటులో ఉన్నాయి. ఒప్పో రెనో 13 5G : ఫ్లిప్‌కార్ట్ ఒప్పో రెనో 13 5G ఫోన్ 8GB ర్యామ్, 128GB స్టోరేజ్‌తో రూ.35,999కు అందిస్తుంది. బ్యాంక్ ప్రమోషన్ల విషయానికొస్తే.. ఏదైనా బ్యాంక్ కార్డ్‌తో రూ.3,599 డిస్కౌంట్ లభిస్తుంది. తగ్గింపు ధర రూ.32,400 అవుతుంది. IP66 + IP68 + IP69 రేటింగ్‌తో వస్తుంది.