అవుట్ సోర్సింగ్ సర్వీసెస్ కార్పొరేషన్‌కు మెరుగులు

ఆంధ్రప్రదేశ్‌ అవుట్‌ సోర్సింగ్‌ సర్వీసెస్‌ కార్పొరేషన్‌ (ఆప్కోస్)పై ప్రభుత్వం మంత్రివర్గ ఉపసంఘాన్ని నియమించింది. రాష్ట్ర ప్రభుత్వ విభాగాల్లో అవుట్‌ సోర్సింగ్‌ ఉద్యోగులను నియమించుకునే ప్రస్తుత వ్యవస్థపై సమీక్షించేందుకు ఈ నిర్ణయం తీసుకుంది. ఈ మేరకు ప్రభుత్వ ప్రధాన కార్యదర్శి కె. విజయానంద్‌ ఉత్తర్వులు జారీ చేశారు. ఉపసంఘంలో మున్సిపల్‌ మంత్రి నారాయణ, విద్యాశాఖ మంత్రి నారా లోకేశ్‌, ఆర్థిక మంత్రి పయ్యావుల కేశవ్‌ ఉన్నారు. ఈ ఉపసంఘం ప్రస్తుత వ్యవస్థ కంటే మరింత జవాబుదారీగా, సమర్థవంతంగా, పారదర్శకంగా అవుట్‌ సోర్సింగ్‌ సిబ్బంది నియామకాలు, వారి సంక్షేమాన్ని ఎలా పెంపొందించాలన్న దానిపై నివేదిక ఇవ్వనుంది.