విజయ్ జన నాయగన్ విడుదలకు చిక్కులు!

తమిళ హీరో విజయ్ "జన నాయగన్" సినిమాకు సినిమా కష్టాలు ఎదురవుతున్నాయి. సెన్సార్ బోర్డు U/A సర్టిఫికెట్ ఇవ్వాలని సింగిల్ బెంచ్ తీర్పును మద్రాస్ హైకోర్టు చీఫ్ జస్టిస్ బెంచ్ రద్దు చేసింది. సెన్సార్ సర్టిఫికెట్ వివాదాన్ని బోర్డు దగ్గరే తేల్చుకోవాలని చీఫ్ జస్టిస్ బెంచ్ ఆదేశించింది. గతంలో సెన్సార్ బోర్డు జన నాయగన్ సినిమాకు U/A సర్టిఫికెట్ ఇచ్చి వెనక్కి తీసుకోవడంపై మేకర్స్ హైకోర్టును ఆశ్రయించారు. దీంతో U/A సర్టిఫికెట్ ఇవ్వాలని గతంలో సింగిల్ బెంచ్ ఇచ్చిన తీర్పును చీఫ్ జస్టిస్ బెంచ్ రద్దు చేసింది. తమిళనాడు ఎన్నికల్లో విజయ్ పోటీ చేస్తున్న సమయంలో ఆయన సినిమాకు ఎదురవుతున్న చిక్కులు తలనొప్పిగా మారుతున్నాయి.