గిరిజన విద్యార్థులకు NEET, IIT-JEE శిక్షణ కోసం సెంటర్ ఆఫ్ ఎక్సలెన్స్

గిరిజన విద్యార్థుల విద్యా ప్రమాణాలను మెరుగుపరచి, దేశంలోని ప్రతిష్ఠాత్మక విద్యాసంస్థల్లో వారి ప్రాతినిధ్యాన్ని పెంచే లక్ష్యంతో విశాఖపట్నం జిల్లా మారికవలసలోని రెసిడెన్షియల్ స్కూల్‌లో సెంటర్ ఆఫ్ ఎక్సలెన్స్ (CoE) ఏర్పాటు చేస్తున్నట్లు గిరిజన & స్త్రీ శిశు సంక్షేమ శాఖ మంత్రి గుమ్మిడి సంధ్యారాణి వెల్లడించారు. గిరిజన విద్యార్థులకు ఉన్నతమైన విద్య, మెరుగైన అవకాశాలు, బంగారు భవిష్యత్తు అందించాలన్నదే లక్ష్యమన్నారు. ఈ కేంద్రంలో ఇంటర్మీడియట్ చదివే 600 మంది ప్రతిభావంతులైన ST విద్యార్థులకు నాణ్యమైన రెసిడెన్షియల్ విద్య, వసతి, ఆహారం, NEET, IIT-JEE కోచింగ్ అందిస్తున్నారు. 600 మంది విద్యార్థుల్లో 300 మంది బాలురు, 300 మంది బాలికలు ఉంటారు. విద్యార్థులను ప్రతిభ ఆధారంగా ఎంపిక చేశారు. ప్రముఖ కోచింగ్ సంస్థ M/s Physics Wallah, Noidaను కోచింగ్ ఏజెన్సీగా నియమించారు.