క్యాన్సర్ మందుల ధరలపై కేంద్రం నిర్ణయం!

క్యాన్సర్ మందుల ధరల విషయంలో కేంద్ర ప్రభుత్వం కీలక నిర్ణయం తీసుకుంది. మందుల ధరలను భారీగా తగ్గించింది. జాతీయ ఔషధ ధరల నియంత్రణ సంస్థ ట్రేడ్ మార్జిన్‌లపై పరిమితులు విధించడంతో నేటి నుంచి ఈ కొత్త ధరలు దేశవ్యాప్తంగా అమల్లోకి వచ్చాయి. 137 రకాల క్యాన్సర్ నిరోధక మందులపై గరిష్ట ట్రేడ్ మార్జిన్‌ను 30 శాతానికి పరిమితం చేశారు. కొన్ని బ్రాండ్ల మందుల ధరలు 70 శాతం నుంచి 96 శాతం వరకు తగ్గాయి. పాల్‌బోప్రో 125mg: పాత ధర రూ. 40,412 నుండి రూ. 2,720 కు తగ్గింది. • బెవాసిజాబ్ (4 ml): పాత ధర రూ. 21,767 నుండి రూ. 5,930 కు తగ్గింది. • ఫుల్‌వెస్ట్రాంట్ / ఫుల్‌బ్రెకా: పాత ధర రూ. 26,072 నుండి రూ. 5,491 కు తగ్గింది. • అజాసిటిడిన్: పాత ధర రూ. 6,337 నుండి రూ. 1,495 కు తగ్గింది. మెడికల్ షాపుల్లో ఎవరైనా పాత లేదా ఎక్కువ ధరలకు అమ్మితే 1800-111-255 టోల్-ఫ్రీ నంబర్‌కు ఫిర్యాదు చేయాలని NPPA సూచించింది.