దుర్గగుడిలో వైభవంగా చండీ హోమం

విజయవాడ దుర్గ గుడిలో అత్యంత వైభవంగా చండీ హోమం నిర్వహించారు. అమావాస్య, ఆదివారం సందర్భంగా భక్తులు పెద్ద ఎత్తున చండీ హోమంలో పాల్గొన్నారు. అమావాస్య పర్వదినాన్ని పురస్కరించుకుని ఆలయ ప్రాంగణంలోని యాగశాలలో జరిగిన ఈ విశేష చండి హోమంలో మొత్తం 233 మంది భక్తులు పాల్గొని చండీ హోమ పూజలను నిర్వహించారు. వివిధ ప్రాంతాల నుండి ఆన్‌లైన్ ద్వారా బుక్ చేసుకున్న 91 మంది భక్తుల పేర్ల మీద అర్చకులు పరోక్షంగా ఈ చండీ హోమ పూజలను జరిపించారు. యాగశాల భక్తులతో కిక్కిరిసిపోయి, ఆధ్యాత్మిక శోభతో అలరారింది.