దాతృత్వం చాటుకున్న మెగాస్టార్!

పద్మవిభూషణ్, మెగాస్టార్ చిరంజీవి దాతృత్వం చాటుకున్నారు. సినీ నటుడిగా, కేంద్ర మాజీ మంత్రిగా తనదైన మార్క్ కనబరిచిన చిరంజీవి ఈ నెల 22న తన 70వ పుట్టినరోజు జరుపుకున్నారు. ఈ నేపథ్యంలో ప్రజలకు సాయం అందించేందుకు ముందుకొచ్చారు. ఏపీ సీఎం రిలీఫ్ ఫండ్‌కి మెగాస్టార్ చిరంజీవి రూ.కోటి విరాళం అందించారు. హైదరాబాద్ విచ్చేసిన సీఎం చంద్రబాబును కలిసి చెక్ అందించారు. తన విరాళం ఎందరో ప్రజలకు సాయం కావాలని చిరంజీవి ఆకాంక్షించారు.