జమ్మూకశ్మీర్లో మళ్లీ క్లౌడ్ బరస్ట్!

జమ్మూకశ్మీర్ను మేఘ విస్ఫోటాలు వనికిస్తున్నాయి. కిస్త్వాడ్ జిల్లాలో ఇటీవల సంభవించిన క్లౌడ్ బరస్ట్.. పెను విషాదాన్ని మిగిల్చింది. ఈ ఉపద్రవాన్ని మరువక ముందే కథువా జిల్లాలోని ఘాటీ గ్రామంలో మరోసారి మేఘ విస్ఫోటం సంభవించింది. ఈ విపత్తులో ఏడుగురు ప్రాణాలు కోల్పోయారు. మరికొందరు గాయపడ్డారని అధికారులు తెలిపారు. ఆదివారం తెల్లవారుజామున 4 గంటల ప్రాంతంలో ఈ విస్ఫోటం సంభవించింది. ఎస్ఈఆర్ఎఫ్ బృందం ఆ ప్రాంతానికి చేరుకుని సహాయక చర్యలు ప్రారంభించాయి.