అది అద్దెకు తీసుకున్న హెలికాఫ్టర్

ఏపీ సీఎం చంద్రబాబు నాయుడు కోసం ప్రభుత్వం కొత్త హెలికాఫ్టర్‌ కొనుగోలు చేసిందన్న ప్రచారాన్ని సీఎం కార్యాలయం ఖండించింది. పాత హెలికాఫ్టర్‌లో తరచూ సాంకేతిక సమస్యలు తలెత్తడంతో, భద్రతా కారణాల దృష్ట్యా ఆధునాతన ఎయిర్‌బస్ హెచ్‌-160 మోడల్ హెలికాఫ్టర్‌ను అద్దెకు తీసుకున్నామని స్పష్టం చేసింది. తప్పుడు ప్రచారంపై స్పష్టతనిచ్చింది. సామాజిక మాధ్యమాల్లో “సీఎం కోసం కొత్త హెలికాఫ్టర్‌ కొన్నారు” అంటూ ప్రచారం జరుగుతున్న విషయం తెలిసిందే. ఈ ప్రచారం పూర్తిగా అసత్యమని ప్రభుత్వం పేర్కొంది. ప్రజలు వాస్తవాలను మాత్రమే నమ్మాలని, నిరాధార వార్తలను వ్యాప్తి చేయవద్దని విజ్ఞప్తి చేసింది.