ఇకపై నేరుగా డ్రైవింగ్ లైసెన్స్!

ఇకపై నేరుగా లైసెన్స్ పొందేలా ఏపీ ప్రభుత్వం కీలక నిర్ణయం తీసుకుంది. రాష్ట్రానికి 53 డ్రైవింగ్ శిక్షణ కేంద్రాలు (DTC), 5 ప్రాంతీయ ట్రైనింగ్ సెంటర్ల (RDTC)ను కేంద్ర రవాణా, జాతీయ రహదారుల శాఖ మంజూరు చేసింది. 10 లక్షల జనాభాకు ఒకటి చొప్పున DTCలను పెట్టనుండగా RDTCలను ఉత్తరాంధ్ర, రాయలసీమలో ఒకటి చొప్పున, కోస్తాలో 3 ఏర్పాటు చేయనుంది. వీటిలో టూవీలర్, కార్లు, భారీ వాహనాల ట్రైనింగ్ పూర్తి చేసుకుంటే రవాణా శాఖ కార్యాలయంలో టెస్ట్ లేకుండా నేరుగా లైసెన్స్ పొందవచ్చు. దీని వల్ల వాహనదారులు ఎదురుచూసే అవస్థలు తప్పుతాయి. లైసెన్స్ పొందే ప్రక్రియ వేగం కానుంది.