తాత్కాలిక సదరం ఉన్నా పెన్షన్ కంటిన్యూ

ఏపీలో వికలాంగుల పెన్షన్ పై ప్రభుత్వం కీలక అప్డేట్ ఇచ్చింది. 40% పైబడి వికలాంగులకు గుడ్ న్యూస్ చెప్పింది. రాష్ట్ర ప్రభుత్వం వికలాంగుల పెన్షన్ల విషయంలో కీలక నిర్ణయం తీసుకుంది. 40%, అంతకంటే ఎక్కువ శాతం వికలాంగత ఉన్న వారికి తాత్కాలిక సదరం సర్టిఫికెట్ ఉన్నా ఎన్టీఆర్ భరోసా పెన్షన్ కొనసాగుతుందని ప్రభుత్వం స్పష్టం చేసింది. ఈ మేరకు గ్రామీణ పేదరిక నిర్మూలన సమాఖ్య (SERP) చీఫ్ ఎగ్జిక్యూటివ్ ఆఫీసర్ వాకాటి కరుణ ఆదేశాలు జారీ చేశారు. ఇటీవల అనర్హులపై జారీ చేసిన నోటీసులను వెంటనే ఉపసంహరించుకోవాలని జిల్లా కలెక్టర్లు, ఎంపీడీవోలు, మునిసిపల్ కమిషనర్లకు ఆదేశాలు చేశారు.