గుడ్డు.. గుభేల్!

కోడిగుడ్డు ధర రికార్డు స్థాయికి చేరింది. గత డిసెంబరులో కోళ్ల ఫారాల వద్ద గుడ్డు ధర రూ.6.95 పైసలు ఉండగా గురువారం ఇదే ధరకు చేరి ఆ రికార్డుకు సమానమైంది. సాధారణంగా తూర్పు గోదావరి జిల్లాలో 1.30 కోట్లకుపైగా కోళ్లు ఉండగా రోజుకి కోటి వరకు గుడ్లు ఉత్పత్తి అవుతాయి. అయితే ఈ ఏడాది ఎండల తీవ్రత అధికంగా ఉండడం వల్ల అధికారికంగా 16.35లక్షలు, అనధికారికంగా 20 లక్షలకుపైగా కోళ్లు మృతి చెందాయని రైతులు చెబుతున్నారు. మిగిలిన కోళ్లు పూర్తిస్థాయిలో గుడ్లు పెట్టకపోవడంతో గుడ్లు కొరత ఏర్పడింది. ప్రస్తుతం కోళ్ల ఫారంల వద్ద గుడ్డు ధర రూ.6.95 పైసలు ఉండగా బహిరంగ మార్కెట్లో రూ.8.50 పైసలకుపైనే విక్రయిస్తున్నారు. గత ఏడాది ఇదే రోజున రూ.4.90 పైసలు ఉండడం గమనార్హం.