ఫోన్ వర్షంలో తడిసిందా.. ఇలా చేయండి

రాబోయేది వర్షాకాలం కావడంతో స్మార్ట్ ఫోన్ ని తడవకుండా భద్రంగా చూసుకోవాలి. వర్షాకాలంలో మీ స్మార్ట్‌ఫోన్‌ను నీటి నుంచి రక్షించుకోవడం చాలా ముఖ్యం. ఫోన్ వర్షంలో తడిస్తే, అది పాడయ్యే అవకాశాలు పెరుగుతాయి. ముందుగా, వెంటనే స్మార్ట్‌ఫోన్‌ను ఆఫ్ చేయండి. దీనివల్ల ఫోన్ షార్ట్ సర్క్యూట్ అయ్యే ప్రమాదం తగ్గుతుంది. సిమ్ కార్డ్, బ్యాటరీని తీసివేయండి. మీ ఫోన్‌లో రిమూవబుల్ బ్యాటరీ ఉంటే, దాన్ని తీసివేయండి. నీటిని తొలగించడానికి మృదువైన గుడ్డతో సున్నితంగా తుడవండి. ఫోన్‌ను కనీసం 24-48 గంటలు పొడి, వెచ్చని ప్రదేశంలో ఉంచండి. ఫోన్ పొడిగా ఉందని మీకు తెలిస్తే తప్ప ఛార్జ్ చేయడానికి ప్రయత్నించవద్దు. వర్షాకాలంలో వాటర్ ప్రూఫ్ కేసును ఉపయోగించడం ఉత్తమ మార్గం. వర్షకాలంలో ఫోన్ వాడే సమయంలో జాగ్రత్తగా ఉండాలి.