మాజీ సీఎం కిరణ్‌ కుమార్‌రెడ్డికి గవర్నర్ పదవి?

దేశంలోని పలు రాష్ట్రాలకు గవర్నర్లు మారనున్నట్లు తెలుస్తోంది. కేంద్ర కేబినెట్ పునర్వ్యవస్థీకరణ తర్వాత పలు రాష్ట్రాలకు కొత్త గవర్నర్ల నియమించనున్నారు. ఈ క్రమంలో ఉమ్మడి ఆంధ్రప్రదేశ్ మాజీ ముఖ్యమంత్రి నల్లారి కిరణ్ కుమార్ రెడ్డి పేరు ప్రముఖంగా ప్రచారంలోకి వచ్చింది. ఆంధ్రప్రదేశ్‌లోని బీజేపీ నేతలకు అదనపు మంత్రి పదవుల అవకాశాలు లేకపోవడంతో, సీనియర్‌ నేత అయిన కిరణ్ కుమార్ రెడ్డిని లోక్‌భవన్‌కు పంపే ప్రతిపాదనలు ఢిల్లీలో ఉన్నట్లు సమాచారం. అయితే కాంగ్రెస్‌ నుంచి బీజేపీలో చేరిన తర్వాత ఎన్నికల్లో పోటీ చేయడం మినహా కిరుణ్ కుమార్ రెడ్డి పెద్దగా యాక్టివ్‌గా లేరు. అయినప్పటికీ మాజీ సీఎంగా ఆయనకున్న అనుభవాన్ని గవర్నర్ గా ఉపయోగించుకోవాలని ఢిల్లీ పెద్దలు భావిస్తున్నట్లు తెలుస్తోంది.