ఎక్సలెన్సీ సెంటర్లలో ఐఐటీ, నీట్, జేఈఈ ఉచిత శిక్షణ

ఆంధ్రప్రదేశ్ సాంఘిక సంక్షేమ గురుకుల విద్యా సంస్థల సొసైటీ ప్రముఖ కోచింగ్ సంస్థల సహకారంతో నడపబోతున్న 'సెంటర్స్ ఆఫ్ ఎక్సలెన్స్' (COEs)లో ప్రవేశాలకు ఆహ్వానిస్తోంది. ఇంటిగ్రేటెడ్ IIT/JEE & NEET కోచింగ్ తో కూడిన ఇంటర్మీడియట్ మొదటి, రెండవ సంవత్సర (MPC/BiPC) కోర్సులలో ప్రవేశం కోసం అర్హులైన విద్యార్థుల నుండి దరఖాస్తులను ఆహ్వానిస్తున్నట్టు APSWREIS కార్యదర్శి IAS వి. ప్రసన్న వెంకటేష్ తెలిపారు. సాంఘిక సంక్షేమ శాఖ ఆధ్వర్యంలో ఈ ఏడాది రాష్ట్రంలో మూడు సెంటర్స్ ఆఫ్ ఎక్సలెన్స్' (Co-education) కేంద్రాలు ఏర్పాటు చేస్తున్నట్లు తెలిపారు. మార్చి 2026లో జూనియర్ ఇంటర్మీడియట్ (MPC/BiPC)లో 75% మార్కులు సాధించిన విద్యార్థులు సీనియర్ ఇంటర్మీడియట్ కోసం దరఖాస్తు చేసుకోవచన్నారు. ఈ 'సెంటర్స్ ఆఫ్ ఎక్సలెన్స్' (Co-education) కేంద్రాల ద్వారా ఇంటర్ విద్యతో పాటు IIT-JEE, NEET కోచింగ్, వసతి, భోజనం, స్టడీ మెటీరియల్, ఉచిత గురుకుల విద్యను అందిస్తామని తెలిపారు. షెడ్యూల్డ్ కులాల (SC) విద్యార్థులకు 75% సీట్లు మరియు ఇతర వర్గాల (OC, ST, BC) విద్యార్థులకు 25% సీట్లు కేటాయించే రిజర్వేషన్ విధానం ప్రకారం ప్రవేశాలు కల్పించబడతాయని పేర్కొన్నారు. APBRAGCET వెబ్సైట్ https://apbrageet.apcfss.in లో 17 జూలై నుండి 30 జూలై వరకు దరఖాస్తు చేసుకోవచ్చని ప్రసన్న వెంకటేష్ తెలిపారు.