పంచాయతీలకు ఇక పండుగే

పంచాయతీ రహదారులకు మహర్దశ పట్టనుంది. ఏపీలో పల్లె పండుగ కార్యక్రమంలో భాగంగా రాష్ట్రంలో 1202 కిలోమీటర్ల మేర రహదారుల నిర్మాణం చేపట్టనున్నట్లు ప్రభుత్వం ప్రకటించింది. ఇందుకు గాను నాబార్డు నిధులు రూ.557 కోట్లను వినియోగించనున్నట్లు పేర్కొంది. ఈ కార్యక్రమంలో భాగంగా మొత్తం 402 రహదారులు వేయనున్నారు. ఈ రోడ్లను నాణ్యతతో, వీలైనంత త్వరగా పూర్తి చేయాలని అధికారులను డిప్యూటీ సీఎం పవన్ కళ్యాణ్ ఆదేశించారు. పంచాయతీరాజ్ శాఖ మంత్రిగా పవన్ కళ్యాణ్ తనదైన మార్కులో దూసుకెళ్తున్నారు. దారుణంగా తయారైన గ్రామీణ రహదారులను తీర్చిదిద్దేందుకు సంకల్పించారు.