న్యాయవాదుల కుటుంబాలకు ప్రభుత్వం అండ

ఏపీలో న్యాయవాదుల సంక్షేమం పట్ల ప్రభుత్వం మానవతా దృక్పథంతో ముందడుగు వేసింది. రాష్ట్రవ్యాప్తంగా మరణించిన 1150 మంది న్యాయవాదుల కుటుంబాలకు ఆర్థిక సాయం అందించేందుకు రూ.46 కోట్లు విడుదల చేసింది. ఈ నిధులను “ఏపీ అడ్వకేట్స్ వెల్ఫేర్ ఫండ్ మ్యాచింగ్ గ్రాంట్” పేరుతో విడుదల చేశారు. ప్రతి మరణించిన న్యాయవాది కుటుంబానికి రూ.4 లక్షల చొప్పున ఆర్థిక సాయం అందించేందుకు ప్రభుత్వం ఆదేశాలు జారీ చేసింది. ఈ చర్యతో ఆ న్యాయవాదుల కుటుంబాలకు కొంత ఊరట లభించనుంది.