దుర్గా ఘాట్‌లో హంస వాహనం ట్రయల్ రన్‌

విజయవాడ. ఇంద్రకీలాద్రిపై కొలువుదీరిన శ్రీ దుర్గా మల్లేశ్వర స్వామివార్ల దేవస్థానం ఆధ్వర్యంలో దుర్గా ఘాట్‌లో హంస వాహనం ట్రయల్ రన్‌ నిర్వహించారు. ఈ కార్యక్రమాన్ని జిల్లా కలెక్టర్ డాక్టర్ జి. లక్ష్మీశ, నగర పోలీస్ కమిషనర్ రాజశేఖరబాబు, దేవస్థానం కార్యనిర్వహణాధికారి శీనా నాయక్‌తో పాటు పలువురు ఉన్నతాధికారులు పరిశీలించారు. హంస వాహనం నిర్వహణకు సంబంధించి ఏర్పాట్లు, భద్రతా చర్యలు, భక్తులకు ఎలాంటి అసౌకర్యం కలగకుండా తీసుకోవాల్సిన ముందస్తు జాగ్రత్తలను అధికారులు సమీక్షించారు. కార్యక్రమం సజావుగా సాగేందుకు వివిధ శాఖల అధికారులు సమన్వయంతో పనిచేయాల్సిన అవసరంపై దృష్టి సారించారు. భక్తుల భద్రతకు ప్రాధాన్యమిస్తూ, అవసరమైన ఏర్పాట్లను ముందుగానే పరిశీలించి, కార్యక్రమాన్ని విజయవంతంగా నిర్వహించేందుకు అధికారులు చర్యలు చేపట్టారు.