ఏపీలోనూ భారీ వర్షాలు!

ఏపీలోని పలు జిల్లాల్లో భారీ వర్షాలు కురుస్తున్నాయి. ఎన్టీఆర్ జిల్లా తిరువూరు నియోజకవర్గ వ్యాప్తంగా భారీ వర్షాలు పడుతున్నాయి. లోతట్టు ప్రాంతాలు జలమయమయ్యాయి. వాగులు వంకలు పొంగిపొర్లుతున్నాయి. గంపలగూడెం మండలం వినగడప- తోటమూల గ్రామాల మధ్య ఉన్న కట్టలేరు వాగుకు వరద ఉధృతి నెలకొంది. శివారు 20 గ్రామాలకు పూర్తిగా రాకపోకలు నిలిచిపోయాయి. దీంతో ప్రభుత్వ యంత్రాంగం అప్రమత్తమై సహాయక చర్యలు చేపడుతోంది.