బుడమేరు ఆక్రమణలపై నిఘా

రెండేళ్ల క్రితం బుడమేరు పొంగి విజయవాడ నగరాన్ని వణికించిన విషయం తెలిసిందే. విజయవాడ నగరాన్ని ఆనుకుని ఉన్న బుడమేరు వాగు స్థలం ఎడాపెడా ఆక్రమణకు గురి కావడం వల్ల వరద నీరు పోయే మార్గం కుచించుకుపోయింది. ఈ నేపథ్యంలో ఆక్రమణలపై హైకోర్టు రంగంలోకి దిగింది. బుడమేరు ఆక్రమణలకు గురి కాకుండా కఠిన చర్యలు తీసుకోవాలని, నిఘా పెట్టాలని అధికారులను ఆదేశించింది. ఎవరైనా అక్రమ నిర్మాణాలకు పాల్పడుతున్నట్లు అధికారుల దృష్టికొస్తే చట్ట ప్రకారం చర్యలు తీసుకోవాలని తేల్చిచెప్పింది.