ఎయిర్ ఇండియా విమానానికి హైజాక్ బెదిరింపు

కోల్‌కతా నుంచి ముంబై వెళ్లాల్సిన ఎయిర్ ఇండియా ఫ్లైట్‌లో హైజాక్ బెదిరింపు లేఖ దొరకడం తీవ్ర కలకలం రేపింది. విమానం బయలుదేరడానికి ముందే పైలట్ ఈ నోట్‌ను గుర్తించి ATCకి సమాచారం ఇచ్చారు. అప్రమత్తమైన భద్రతా దళాలు విమానంలోని ప్రయాణికులందరినీ వెంటనే కిందికి దించేశాయి. ప్రస్తుతం విమానంలో క్షుణ్ణంగా సోదాలు జరుగుతున్నాయి. భద్రతా కారణాల దృష్ట్యా విమానాన్ని నిలిపివేశారు. తనిఖీల కోసం విమానాన్ని ఐసేలేషన్ బేకు తరలించారు.