మానవత్వం ఉండాలి.. హైకోర్ట్ సంచలన తీర్పు

సమాజంలో ఎవరూ చేయలేని పని చేసే పారిశుధ్య కార్మికుల విషయంలో మానవత్వంతో వ్యవహరించాలని హైకోర్టు అభిప్రాయపడింది. ఏపీలోని పారిశుధ్య కార్మికులు మురుగు డ్రెయిన్లు శుభ్రపరుస్తూ మరణిస్తే ఆ కార్మికుల కుటుంబాలను ఆదుకోవాల్సిన అవసరం ఉందని పేర్కొంది. వారి కుటుంబాలకు రూ.30 లక్షలు చెల్లించాలని హైకోర్టు కూటమి ప్రభుత్వాన్ని ఆదేశించింది. ఇటీవల మరణించిన మాణిక్యాలరావు అనే కార్మికుడు విషయంలో హైకోర్టు ఈ మేరకు ఉత్తర్వులు జారీ చేసింది. కాగా, మాణిక్యాలరావుకు ప్రభుత్వం రూ.10 లక్షలు చెల్లించింది. మరో రూ. 20 లక్షలు ఇవ్వడంతో పాటు మృతుడి భార్యకు ఉద్యోగం కూడా ఇవ్వాలని హైకోర్ట్ తీర్పునిచ్చింది. ఈ తీర్పుపై రాష్ట్రంలో హర్షం వ్యక్తమవుతోంది.