వేలిముద్రతో యూపీఏ పేమెంట్స్

పేమెంట్స్ చెల్లింపులకు సంబంధించిన యూపీఐలో కేంద్ర ప్రభుత్వం కీలక మార్పు తీసుకొచ్చింది. చెల్లింపులకు ఇప్పటివరకు పిన్ నమోదు చేస్తుండగా, ఇకపై వేలి ముద్ర, ఫేషియల్ రికగ్నిషన్‌తోనూ లావాదేవీ పూర్తి కానుంది. నేషనల్ పేమెంట్స్ కార్పొరేషన్ ఈ విధానాన్ని ఆవిష్కరించినట్లు ఆర్థిక సేవల కార్యదర్శి ఎం.నాగరాజు వెల్లడించారు. ఈ కొత్త సదుపాయాన్ని అందుబాటులోకి తీసుకురానున్నారు. ఆధార్ కార్డులో నమోదైన బయోమెట్రిక్ సమాచారాన్ని ఉపయోగించి ఈ వ్యవస్థ పనిచేయనుంది. పిన్ నమోదు పద్ధతిలో ప్రస్తుతం జరుగుతున్న యూపీఐ లావాదేవీలతో పోలిస్తే, కొత్త విధానం వల్ల భద్రత మరింత పటిష్ఠం కావడమే కాక, లావాదేవీ సమయం 25% వరకు తగ్గుతుందని చెబుతున్నారు. మొబైల్ యాప్ ద్వారా ఏదైనా కొనుగోలు చేస్తున్నప్పుడు, పిన్ నమోదు చేయకుండానే ముఖాన్ని స్కాన్ చేయడం లేదా వేలిముద్ర ఆధారంగా చెల్లింపు పూర్తిచేయొచ్చు.