ఏపీ ప్రభుత్వం ప్లాన్.. విద్యుత్ చార్జీలు సగానికి!

ఆంధ్రప్రదేశ్‌లో ప్రభుత్వ కార్యాలయాల్లో విద్యుత్ చార్జీలను గణనీయంగా తగ్గించాలని ప్రభుత్వం భావిస్తోంది. అందుకోసం ప్రభుత్వ కార్యాలయాలపై (రూఫ్లైప్) 300 మెగావాట్ల సౌర విద్యుత్ ప్రాజెక్టుల ఏర్పాటు చేయాలని నిర్ణయించింది. ఈ మేరకు NTPC విద్యుత్ వ్యాపార్ నిగమ్ లిమిటెడ్‌తో ప్రభుత్వం ఒప్పందం కుదుర్చుకుంది. ఒప్పంద వ్యవధిలో సుమారు రూ.2,957కోట్లు ఆదా అవుతుందని ప్రభుత్వం అంచనా వేస్తోంది. ప్రభుత్వ కార్యాలయాల్లో వినియోగించే విద్యుత్తు కోసం యూనిట్‌కు సగటున రూ.6-8 వరకు చెల్లించాల్సి వస్తోంది. సౌర విద్యుత్ వాడితే ఈ మొత్తం సగానికి సగం తగ్గే అవకాశముందని అంచనా వేస్తున్నారు.