తెలంగాణ టు ఏపీ.. సీనియర్ ఐపీఎస్‌లకు పోస్టింగ్

ఏపీ కేడర్ సీనియర్ ఐపీఎస్‌లకు పోస్టింగ్ ఇస్తూ ప్రభుత్వం ఉత్తర్వులు జారీ చేసింది. ఇప్పటి వరకు తెలంగాణలో పని చేస్తూ వచ్చిన ఆ అధికారులు ఏపీ కేడర్ కాబట్టి ఏపీకి వెళ్లిపోవాలని ఇటీవల క్యాట్ ఆదేశాలు జారీ చేసింది. ఈ నేపథ్యంలో ఆయా సీనియర్ అధికారులు ఏపీలో రిపోర్ట్ చేస్తున్నారు. ఐపీఎస్ అంజనీ కుమార్‌కు జైళ్లశాఖ డైరెక్టర్ జనరల్ పోస్టింగ్ ఇచ్చారు. ఇప్పటివరకు ఆ బబాధ్యతలు నిర్వహిస్తున్న కుమార్ విశ్వజిత్‌ను రిలీవ్ చేశారు. అలాగే అభిలాష బిస్త్‌కు ఏపీ రోడ్ సేఫ్టీ అథారిటీ ఛైర్మన్‌గా పోస్టింగ్ ఇచ్చారు. ప్రస్తుతం చైల్డ్ కేర్ లీవ్‌లో ఉన్న అభిలాష సెలవు నుంచి వచ్చాక బాధ్యతలు అప్పగిస్తారు.