ఐకూ నియో 10ఆర్.. అదిరే ఫీచర్లు!

ప్రముఖ గ్యాడ్జెట్ సంస్థ ఐకూ తన నియో 10ఆర్ 6400mAh స్మార్ట్ ఫోన్‌ను తీసుకొచ్చింది. ఈ ఫోన్ సిలికాన్-కార్బన్ బ్యాటరీని కలిగి ఉండి 80W ఫాస్ట్ ఛార్జింగ్‌కు మద్దతు ఇస్తుంది. ఇది 6.78-ఇంచ్అమోల్డ్ ఎల్ఈడీ స్క్రీన్‌ను 1.5K రిజల్యూషన్ కలిగి ఉంటుంది. సాధారణ వినియోగంలో 120హెచ్జెడ్, గేమింగ్ సమయంలో 144హెచ్జెడ్ రిఫ్రెష్ రేట్‌ అందించడం దీని ప్రత్యేకత. ఈ డివైజ్ స్నాప్‌డ్రాగన్ 8s జెన్ 3 ప్రాసెసర్, అడ్రినో 735 జీపీయూతో పనిచేస్తుంది. ఈ ఫోన్ 12GB వరకు ఎల్పీడీడీర్5ఎక్స్ RAM, 256GB యూఎఫ్ఎస్4.1 స్టోరేజ్‌తో వస్తుంది. ఈ డివైజ్ ఆండ్రాయిడ్ 15 ఆధారిత ఫన్‌టచ్ ఓఎస్15తో పనిచేస్తుంది. 2000హెచ్జెడ్ టచ్ శాంప్లింగ్ రేట్, హీట్ మేనేజ్‌మెంట్ కోసం వేపర్ ఛాంబర్ వంటి గేమింగ్ మెరుగుదలలను కలిగి ఉంది. దీనికి IP65 రేటింగ్ ఉన్నప్పటికీ, ఈ ఫోన్ ప్లాస్టిక్ నిర్మాణాన్ని కలిగి ఉంది. ఐకూ నియో 10ఆర్ 8GB RAM, 128GB స్టోరేజ్ వేరియంట్ ధర రూ. 26,999గా ఉంది.