పోలీస్ విచారణకు హాజరైన.. జగన్ బంధువు అర్జున్ రెడ్డి

గుడివాడ టూ టౌన్ పోలీస్ స్టేషన్లో మాజీ సీఎం జగన్ సమీప బంధువు అర్జున్ రెడ్డి విచారణకు హాజరయ్యారు. వైసీపీధినేత, మాజీ ముఖ్యమంత్రి వైఎస్ జగన్ సమీప బంధువు అర్జున్ రెడ్డి ఓ కేసు నిమిత్తమై గుడివాడ టూ టౌన్ పోలీస్ స్టేషన్లో విచారణకు హాజరయ్యారు. సుమారు మూడు గంటల పాటు అర్జున్ రెడ్డిని సీఐ హనీష్ విచారణ చేశారు. సోషల్ మీడియాలో అభ్యంతరకర పోస్టులు పెట్టినందుకు నమోదైన కేసులో అర్జున్ రెడ్డికి సోమవారం 41 ఏ నోటీసులు ఇచ్చారు. నేడు ఆయన హాజరు కాగా విచారణ చేసినట్లు సిఐ హనీష్ తెలిపారు. తదుపరి విచారణ కొనసాగుతుందన్నారు.