దేశంలోనే అతిపెద్ద ఫిషింగ్ హార్బర్..ఏపీలో!

దేశంలోనే అతిపెద్ద ఫిషింగ్ హార్బర్ ఆంధ్రప్రదేశ్‌లో ఏర్పాటు కాబోతోంది. నెల్లూరు జిల్లాలోని జువ్వలదిన్నె ప్రాంతంలో ఈ హార్బర్ నిర్మాణం జరుగుతోందని మత్స్య, వ్యవసాయ శాఖ ప్రత్యేక ప్రధాన కార్యదర్శి బి.రాజశేఖర్ తెలిపారు. ముఖ్యమంత్రి చంద్రబాబు త్వరలో ఈ హార్బర్‌ను సందర్శించి మత్స్యకారులకు భరోసా ఇస్తారని చెప్పారు. ఇప్పటికే కావలి ఎమ్మెల్యే డీవీ కృష్ణారెడ్డి, మత్స్య శాఖ కమిషనర్ రామ్‌శంకర్ నాయక్ హార్బర్‌ను పరిశీలించారు. రాష్ట్ర ప్రభుత్వం ఈ హార్బర్‌ను తన ఆధీనంలోకి తీసుకుని పూర్తిగా ఉపయోగంలోకి తేవడానికి చర్యలు చేపడుతోంది. హార్బర్ నిర్వహణకు ప్రత్యేకంగా ఒక కమిటీని ఏర్పాటు చేయనున్నారు. వార్షికంగా సుమారు రూ. 825 కోట్ల వ్యాపారం జరుగుతుందని అంచనా వేస్తున్నారు. ఈ హార్బర్ నుంచి ప్రతి సంవత్సరం సుమారు 41,250 టన్నుల చేపల సంపత్తి లభించనుందని అధికారులు తెలిపారు.