ఘనంగా డాక్టర్ ఎన్టీఆర్ కీర్తి పురస్కారాలు

తెలుగు జాతి గుండె చప్పుడు డా. ఎన్టీఆర్ సినీ వజ్రోత్సవ వేడుకలను పురస్కరించుకొని జాతీయ సాంస్కృతిక పురస్కారోత్సవం - డాక్టర్ ఎన్టీఆర్ కీర్తి పురస్కారాలు ఘనంగా జరిగాయి. విజయవాడ హోటల్ ఐలాపురంలో పాన్ ఇండియన్ సోషల్ కల్చరల్ ఆధ్వర్యంలో ఏర్పాటు చేసిన ఈ కార్యక్రమానికి అవనిగడ్డ ఎమ్మెల్యే మండలి బుద్ధప్రసాద్ ముఖ్య అతిధిగా విచ్చేసి పురస్కారాలు అందచేశారు. ఈ సందర్భంగా తెలుగుజాతికి ఎన్టీఆర్ చేసిన సేవలను కొనియాడారు. ఎన్టీఆర్ అరంగేట్రంతో సినీ పరిశ్రమ, రాజకీయాలు మారిపోయాయన్నారు. రాష్ట్ర ఆర్యవైశ్య సంక్షేమ అభివృద్ధి కార్పొరేషన్ చైర్మన్ డూండి రాకేష్, టీడీపీ ఎన్ఆర్ఐ సెల్ కో-ఆర్డినేటర్ చప్పిడి రాజశేఖర్, అంతర్జాతీయ శ్రీశ్రీ కళా వేదిక సీఈఓ కళారత్న కత్తిమండ ప్రతాప్, బీజేపీ రాష్ట్ర కార్యవర్గ సభ్యురాలు నర్సిపల్లి హారిక, ఓసీసీఐ న్యూఢిల్లీ నేషనల్ చీఫ్ అడ్వజయిర్ డా. గుంజి నరసింహారావు తదితరులు కార్యక్రమాన్ని పర్యవేక్షించారు.