సోలార్ ల్యాప్ టాప్.. లెనోవో ఆవిష్కరణ!

ప్రముఖ ల్యాప్ టాప్ తయారీ సంస్త లెనోవో సూర్యకాంతితో పని చేసే గ్యాడ్జెట్ ను తీసుకొచ్చింది. Yoga Solar PC Concept (POC)- Sunlight powered PC సూర్యకాంతితో నడిచే ల్యాప్‌టాప్. లెనోవో ఈ పీసీని ప్రత్యేకంగా ఇండోర్ ప్రదేశాల్లోనే కాకుండా బయట పని చేయాలనుకునే వారికి మంచి ఆప్షన్‌గా రూపొందించింది. లెనోవో ప్రదర్శించిన ఈ యోగా సోలార్‌ పీసీ చూడ్డానికి రెగ్యులర్‌ ల్యాప్‌ట్యాప్‌లానే ఉంటుంది. కానీ వెనక ఉన్న బ్యాక్‌ ప్యానెల్‌ సూర్యకాంతిని సంగ్రహించేందుకు సోలార్‌ ప్యానెల్‌లా పనిచేస్తుంది. బ్యాక్‌ కాంటాక్ట్‌ సెల్‌ సాంకేతికతతో మార్కెట్‌లోకి వస్తోంది. ఈ ల్యాప్‌టాప్‌లో 24 శాతం కంటే ఎక్కువ సౌరశక్తిని సమర్థవంతంగా మార్చగల సోలార్ ప్యానెల్ ఉంది. ఎండలో కేవలం 20 నిమిషాల ఉంచితే గంట సేపు వీడియోను ప్లే బ్యాక్‌ చేయొచ్చు. ఇంటెల్‌ కోర్‌ అల్ట్రా ప్రాసెసర్‌తో ఈ ల్యాప్‌టాప్‌ పనిచేస్తుంది. లెనోవో తెచ్చిన ఈ సౌరశక్తి పర్సనల్‌ కంప్యూటర్‌ బరువు కేవలం 1.22 కిలోలు మాత్రమే. దీని మందం కేవలం 15 మిమీ. దీంతో ఈ ల్యాప్‌టాప్ చాలా సన్నగా, తేలికగా ఉండటంతో దీన్ని ఎక్కడికైనా సులభంగా తీసుకెళ్లేలా ఉంటుంది.