మూడు వేల గారెలతో మారుతికి దివ్య అలంకరణ

తాడేపల్లి సీతానగరంలో ఘనంగా గురుపౌర్ణమి వేడుకలు జరుగుతున్నాయి. మూడు వేల గారెలతో మారుతికి దివ్య అలంకరణ చేశారు. స్థానిక చెట్టు క్రింద ఆంజనేయ స్వామి వారి ఆలయంలో గురుపౌర్ణమి వేడుకల ఈ పర్వదినాన్ని పురస్కరించుకుని భక్తులు స్వామివారికి సమర్పించిన వినూత్న అలంకరణ అందరినీ విశేషంగా ఆకట్టుకుంది. గురుపౌర్ణమి పవిత్రతను చాటేలా, హనుమంతుడికి అత్యంత ప్రీతిపాత్రమైన వడలతో ప్రత్యేక సేవ నిర్వహించారు. ఇందులో భాగంగా సుమారు 3,000 గారెలను ఎంతో కళాత్మకంగా కూర్చి, స్వామి వారికి అద్భుతమైన అలంకారం చేశారు. గారెల మాలలతో సర్వాంగ సుందరంగా ముస్తాబైన ఆంజనేయ స్వామి వారి దివ్యరూపాన్ని కనులారా వీక్షించడానికి భక్తులు పోటెత్తారు.