ఆయుధాలు వీడనున్న మావోలు

మావోయిస్టులు ఆయుధాలను వీడనున్నారు, సాయుధ విరమణపై కీలక ప్రకటన చేశారు. జనవరి 1న సాయుధ విరమణ చేయనున్నట్లు వెల్లడించారు. వచ్చే ఏడాది మార్చికల్లా మావోయిజాన్ని నిర్మూలించాలని లక్ష్యంగా పెట్టుకున్నకేంద్ర ప్రభుత్వం.. 'ఆపరేషన్ కగార్' పేరుతో వరుసగా మావోయిస్టులను ఏరివేస్తోంది. ఈ క్రమంలో మావోయిస్టు పార్టీ కీలక ప్రకటన చేసింది. జనవరి 1న సాయుధ విరమణ చేస్తామని పేర్కొంది. ఈ మేరకు ఎంఎంసీ జోన్ ప్రతినిధి అనంత్ పేరుతో ప్రకటన విడుదల చేసింది. ఈ లేఖ మావోయిస్టు ఉద్యమ చరిత్రలో ఒక మలుపుగా మారే అవకాశం ఉంది. ఇటీవల పలు ఎన్ కౌంటర్లలో మావోయిస్టు అగ్రనేతలు మరణించిన విషయం తెలిసిందే. దీంతో వందలాదిగా మావోలు లొంగిపోతున్నారు.