నేటి మాస శివరాత్రి విశిష్టత..

నేడు (సోమవారం) మాస శివరాత్రి సందర్భంగా శివభక్తులకు ప్రత్యేక ఆధ్యాత్మిక ప్రాధాన్యం ఏర్పడింది. మాస శివరాత్రి, సోమవారం, ఆరుద్ర నక్షత్రం ఒకే రోజున రావడం శుభసంయోగంగా భావిస్తున్నారు. ఈ సందర్భంగా దేశవ్యాప్తంగా శివాలయాల్లో ప్రత్యేక పూజలు, రుద్రాభిషేకాలు, మహామృత్యుంజయ హోమాలు నిర్వహించనున్నారు. శైవ సంప్రదాయం ప్రకారం ఈ రోజున భక్తిశ్రద్ధలతో శివాభిషేకం చేయడం వల్ల మనశ్శాంతి, ఆధ్యాత్మిక బలం, కుటుంబ శ్రేయస్సు, ఆరోగ్యం, గ్రహదోష శాంతి కలుగుతాయని విశ్వసిస్తారు. పవిత్ర జలం, పాలు, పెరుగు, తేనె, నెయ్యి, కొబ్బరి నీరు, బిల్వదళాలతో అభిషేకం చేయడం విశేష ఫలితాలను ఇస్తుందని పండితులు పేర్కొంటున్నారు. "ఓం నమః శివాయ", మహామృత్యుంజయ మంత్రం జపించడం, రుద్రాభిషేకం నిర్వహించడం, అన్నదానం, వస్త్రదానం, పండ్ల దానం, గోవులకు ఆహారం, పక్షులకు ధాన్యం వేయడం వంటి సత్కార్యాలు శుభప్రదంగా భావిస్తారు.