10న మెగా పేరెంట్ టీచర్ మీటింగ్

రాష్ట్రవ్యాప్తంగా అన్ని విద్యాసంస్థల్లో మెగా పేరెంట్ టీచర్ మీటింగ్ కార్యక్రమం నిర్వహించాలని ప్రభుత్వం నిర్ణయించింది. గతేడాది నిర్వహించిన సమావేశానికి మంచి రెస్పాన్స్ వచ్చిన విషయం తెలిసిందే. ఈ నేపథ్యంలో ఈ ఏడాది తగు చర్యలు తీసుకోవాలని పాఠశాల విద్యాశాఖ, ఇంటర్ ఎడ్యుకేషన్ డైరెక్టర్లకు ఆదేశాలు జారీ చేశారు. తగిన చర్యలు తీసుకోవాలని సమగ్రశిక్ష రాష్ట్ర ప్రాజెక్టు డైరెక్టర్‌కు ఆదేశం ఇచ్చారు. ఈ మేరకు మెమో పాఠశాల కార్యదర్శి కోన శశిధర్ జారీ చేశారు. ఈ సమావేశానికి రాష్ట్రవ్యాప్తంగా విద్యార్థుల తల్లిదండ్రులు హాజరు కానున్నారు.