విశాఖలో జగన్ పర్యటన.. ఇంఛార్జి మంత్రి డా.డోలా కౌంటర్!

వైసీపీ అధినేత జగన్ విశాఖలో పర్యటిస్తున్న నేపథ్యంలో జిల్లా ఇంచార్జి మంత్రి డా. డోలా బాల వీరాంజనేయస్వామి కౌంటర్ ఇచ్చారు. పరామర్శల పేరుతో జగన్ దొంగ నాటకాలు సిగ్గుచేటన్నారు. గత 5 ఏళ్లు మత్స్యకారులను ఏం ఉద్దరించారని నేడు జగన్ విశాఖ వెళ్తున్నారని ప్రశ్నించారు. ప్రమాదం జరిగిన 72 గంటల్లోనే ఒక్కో కుటుంబానికి రూ. 10 లక్షలు పరిహారం అందజేశామని గుర్తు చేశారు. మత్స్యకారులకు ప్రభుత్వం అన్ని విధాలా అండగా ఉందన్నారు. వైసీపీ 5 ఐదేళ్ల పాలనలో 63 మంది మత్స్యకారులు సముద్రంలో గల్లంతయ్యారని, కనీసం వాళ్ళకి డెత్ సర్టిఫికెట్లు కూడా ఇవ్వకుండా జగన్ పరిహారం ఎగ్గొట్టారని ఆరోపణలు చేశారు. కూటమి ప్రభుత్వం వచ్చాక ఆ ఫైల్స్ అన్నీ క్లియర్ చేసి మత్స్యకారులకు 3.15 కోట్లు పరిహారం చెల్లించామని పేర్కొన్నారు. మత్స్యకారులకు ఎప్పుడూ అండగా నిలిచింది తెలుగుదేశమేనని స్పష్టం చేశారు.