ఎస్సీ కార్పొరేషన్ వెబ్ సైట్ ప్రారంభించిన మంత్రి స్వామి

ఎస్సీ కార్పొరేషన్ అధికారిక వెబ్ సైట్ ను మంత్రి డిఎస్ బీవీ స్వామి ప్రారంభించారు. వెబ్ సైట్ లో పలు కేంద్ర, రాష్ట్ర సంక్షేమ పథకాలకు సంబంధించిన పూర్తి సమాచారం అందుబాటులో ఉండనుంది. ఆయా పథకాలకు సులభతరంగా ఆన్లైన్ రిజిస్ట్రేషన్ చేసుకునేందుకు వీలుగా వెబ్సైట్ రూపకల్పన చేశారు. నర్సింగ్ విద్యార్థులకు జర్మన్, ఇజ్రాయిల్ లాంగ్వేజ్ లో ఉచిత శిక్షణకు వెబ్సైట్లో దరఖాస్తుకు అవకాశం లభించనుంది. నిరుద్యోగ ఎస్సీ యువత నైపుణ్య శిక్షణకు వెబ్సైట్లో దరఖాస్తుకు అవకాశాలున్నాయి. వెబ్ సైట్ ని ఔత్సాహికులు ఉపయోగించుకొని ఆయా పథకాలకు దరఖాస్తు చేసుకోవాలని మంత్రి డోలా శ్రీ బాల వీరాంజనేయస్వామి కోరారు.